Fqinji i Amanda Pushanit, i cili u masakrua me thikë nga motra e saj Marsela Pushani mesditën e 2 shtatorit, ka treguar se viktima merrte borxhe.
Pronari i dyqanit, në lagjen ku jetonin dy motrat, tha se 37-vjeçari i kërkonte alkool dhe kur nuk i dha ajo nuk i foli më.
“Ne na lajmëroi një komshi për atë që kishte ndodhur, ka kaluar kohë që kur ajo vinte me kërkonte që ti jepja alkool. Po që kur i thash asaj se nuk i jap më pije, as motra e saj nuk me foli më. Babain e tyre e njihja ishte një burrë zotëri nuk konsumonte alkool ishte shumë normal, mesa di unë ka vdekur nga problemet e zemrës. Ato jetojnë këtu që kur është ndërtuar ky pallati, nuk kanë vëlla, janë të pa martuara. Ajo merrte borxh me dite, nuk e di nëse ai punonte mbaj mend që dilte në mëngjes për punë para disa kohesh”, tha fqinji në emisionin “Me zemër të Hapur” të moderatores Evis Ahmeti.
Kujtojmë që krimi i rëndë ka tronditur rrugën e Kavajës më datë 2 shtator. Fillimisht familja raportoi për një vdekje natyrale të 37-vjeçares Armanda Pushani, por më pas u zbulua se viktima kishte plagë të shkaktuara me thikë.
Krimi dyshohet se ndodhi për shkak se viktima ishte e alkoolizuar dhe agresive në familje.
Dy vajzat jetonin me nënën e tyre në një banesë në rrugën “Hajdar Hidri” në kryeqytet.
40-vjeçarja pretendon se motra kishte marrë thikën dhe e kishte kërcënuar se do ta vriste atë dhe mamanë, për këtë arsye e ka qëlluar me thikë në kushtet e vetëmbrojtjes.
